The Pinoy Lover Boy

Tanong #6: "Ano ang dapat gawin sa mga Manunulot?"

2010-03-01T22:07:00.000-08:00

Tanong ulit mula kay Elyong (di tunay na pangalan), lover boy ng QC (siya yung nagtanong tungkol kung paano magpalakas ng loob sa "Tanong #3"):

Dear Bravo Dakila,

uhmmm... tagal nio po nagreply...pero ok lng.. baka kasi sa dami ng nagmemessage sayo.. nahihirapan ka na magreply.. i appreciate it..

girlfriend ko na pu sia ngayon.. but still.. mai mga problema parin... and I still need advice from experts like you...

~ ano po ba ang dapat gawin sa mga mahaderong sulotero? ang dami kasing nanliligaw sa kanya eh...

~ alam ko po.. na nahihiya pa ang gf ko sakin.. panu po kmi magiging close kung nahihiya naman po sia sakin?

~ nagagalit po sia pag nagseselos ako.. mali po ba na magselos ako khit na nakita ko mismo na hinalikan nia ung nanliligaw sa knya?

bounce back..! galing mo po magadvice..! ingatz...

Mula kay,

Elyong

Dear Elyong,

Pasensya ka na at natagalan ang reply. Madami kasi akong kinakantot eh. Hehe.

Anyway, isa-isahin natin ang mga tanong mo -

1) ano po ba ang dapat gawin sa mga mahaderong sulotero? ang dami kasing nanliligaw sa kanya eh...

Eh di, hayaan mo. Pag seloso ka, mukha kang mahina sa gerls. Dapat alam niya rin na suwerte siya sayo. Ako pinapabayaan kong ligawan ang gerls ko. Minsan ok yun kasi yung mga nireregalong shit sa kanila, ibinibigay nila sa akin.

2) alam ko po.. na nahihiya pa ang gf ko sakin.. panu po kmi magiging close kung nahihiya naman po sia sakin?

Wag kang masyadong seryoso. Mag-joke ka. Tapos biruin mo siya palagi. Ang pinakamabilis na pangtanggal ng hiya, tawa. Hehe. Yung age-old advice ng lolo ko, "Wag mo na pag-isipan kung kumportable o masaya siya, maging kumportable at masaya ka. Mahahawa din yun." Sa madaling salita, "DO NOT TRY. BE." Parang Yoda shit diba? "Do not try to make her comfortable, be comfortable. Do not try to make her happy. Be happy. Do not try to make her un-shy. Be un-shy." Digs?

3) nagagalit po sia pag nagseselos ako.. mali po ba na magselos ako khit na nakita ko mismo na hinalikan nia ung nanliligaw sa knya?

Saan? Sa lips? Kung ganoon, mali yun. Iwanan mo yang malanding yan! Kung beso lang, ayus lang yun. Ang unang magselos sa relasyon, talo. Subukan mo, ikaw naman ang makipagbeso pag may friend kang gerls (at dapat meron. Duh.). Nagagawa niya lang iyon kasi alam niyang wala kang gagawin.

PINOY LOVERBOY MOVES:

1) Sabi ng lolo ko, wag kang magselos. EVER. Ang mga taong seloso, walang ibang source of joy (walang hobbies, friends, etc) bukod sa gf nila, kumbaga nakadepende ang buhay nila sa babae. Sa makatuwid, loser.

2)Sabi ng lolo ko, halikan mo rin ang mga kaibigan mong babae. Yung non-sexual beso. Masanay ka sa beso. Wag awkward. Magpractice with your nanay or sister. Lahat ng Pinoy Lover Boy ganoon mag-"hello", mag-"kamusta?", mag-"happy birthday", at mag-"babay."

Kapag mag bababay, pinaka-okey. Bago bumeso, ibulong ang mga katagang - "Ingat ka."

Sobrang Imba nun! Bakia maging dalawa pa ang gerlfrend mo.

You go, boy!
Bravo Dakila

Tanong #5: "Foreign Affairs"

2010-02-19T23:54:00.001-08:00

Welcome mga 'Tol sa isa na namang episode ng segment nating "Sabi ng Lolo ko." May katanungan tayo mula kay kumpareng Mark mula sa London. Yes, nga 'Tol, LONDON.

Hi Bravo,

Kababasa ko palang ng ginawa mo sa website mo at ang galing idol gusto ko lang sana maging isa sa mga taga hanga mo ako pala si mark sana mag reply ka dito ako ngayun sa london at computer lang ang kaharap lagi sa totoo lang 23 years old nako wala pakong girlfriend at marami akong nagugustohan dito sa london pero alam muna torpe at natulongan ako ng website mo galing idol...

Mark

Mark,

Una sa lahat ay maraming salamat sa pagsulat mo. Mark, masaya ko na nakatulong ang blog na ito sayo, pero ang pangarap ko talaga makahanap ng pag-ibig ang mga Pinoy Lover Boy from all over the universe! At marahil panahon na rin para harapin ko ang criticism na, "Bravo, ang shit mo sa jologs lang gagana."

Dahil nasa London ka Mark, unique ang sitwasyon mo kung ihahambing sa average Pinoy Lover Boy. Bakit, kamo? Kasi wala ka sa Pilipinas. May ilang hadlang na kailangan mong pagdaanan diyan, na hindi mo kailangang pagdaanan dito. At ito ang maaaring ilang hadlang sa pagitan ninyo - ang mahiwagang pader sa gitna mo at ng ityong tunay na pag-ibig na wagas magpakailanman.

1) Colonial Mentality - "Tol, alam naman natin ang mga pilipino may inferiority complex dahil ilang daang taon tayong sinakop at inalila ng mga puti. Sa katunayan niyan, ang mga Pilipino napakahilig sa imported. Pero hindi ibig sabihin noon na mas cool sila saatin. Dahil sa colonial mentality, baka maisip mo na dahil imported sila, mas cool sila sayo and you don't deserve them. May tiwala naman ako na may Filipino pride ka, men, kasi wikang pinoy ang ginamit mo sa sulat mo kaya baka hindi ito ang problema mo. Para ito sa mga critics ko na ayaw maniwala sa shit ko, hindi naman sinusubukan.

2) Ang pag-iisip na "others" ang babae - Bata pa lang tayo sinasabihan na tayo na magkaiba ang babae at lalaki. Minsan sumosobra ang konsepto na yun. May ilang hilig din na parehas ang babae at lalaki - pagkain, pag-ibig, ice cream, etc.

Sa madaling salita, you're not so different to women. Deep inside, alam mo ang gusto nila, iba lang ito sa sinasabi ng society sayo. Sabi ng lolo ko, ang lalaki at babae, parehas ang trip na tao. Hindi ito tungkol sa sexuality, or gender politics, or kung anumang complicated shit na tinuturo sa college.

Simple lang lahat ito - "Ang mga tao, gusto sa masaya. At kung gusto mo ng girlfriend, o boyfriend, o friend, kailangan masaya ka. Or maganda ang vibe mo"

Ano nga ba ang gusto ng mga babae? Sigurado ako na ang lahat ng lalaki may katangiang nagugustuhan ng kababaihan. Kaya lang, madalas, hindi alam ng lalaki kung ano nakikita sa kanya ng babae. Medyo tanga kasi ang mga lalaki pag dating sa mga ganitong shit.

A) Unang hakbang para sa self-imporovement -

"Alalahanin mo ang pinakaunang babaeng nagka-crush sa iyo, at itanong mo sa sarili mo kung bakit ka niya nagustuhan?"

Ako, ang unang nagkacrush sa akin si Tara. Kinder pa lang ako nun. Pandak. Medyo mataba. Pero bakit siya nagka-crush saakin? Kasi lagi ko siyang inaasar. Seryoso.

Ngayon, kung anuman ang unang nagustuhan sayo ng unang nagka-crush sayo, ituloy mo lang yun. At dagdagan mo ng ilang katangian ng mga paborito mong katropa.

B) Ang pangalawang hakbang para sa self improvement -

"Alalahanin mo kung anong klaseng mga tao ang mga paborito mong katropa."

Tol, sino mga paborito mong mga katropa? Ako ito:

a. Yung kwela, nakakatawa, tsaka makulit. Yung mga seryosong kung anu-anong autistic hobby shit ang pinag-gagagawa, yung mga pikon, yung mga mayayabang, di masarap katropa.

b. Yung kayang mang-gulpi. Ok din, yung kayang gulpihin yung mga kaaway ko.

c. Yung galante. Nanlilibre pero di mayabang, ok yun. Yung parang sanay lang siya mamigay ng shit kasi di siya madamot kahit di madami pera niya. Yung dialogue niya palagi, "Beer, pare?" or "Men, ako na dito sa bill. Next time ka na lang."

d. Yung kumpare or kuya mo na nakakausap mo pag may problema ka at hindi magmamarunong na bibigyan ka ng advice na alam mo naman at sasabihin lang, "Okey lang yan, dude."

Hulaan mo "tol, kuyng bakit ko binanggit yung mga paborito mong katropa? Kasi, ang mga paborito mong katropa, sila rin ang mga paboritong lalaki ng mga babae, anumang bansa ito nagmula.

Gusto niya, hindi boring, hindi maangas pero di duwag, di madamot (pero tol wag yung gusto mo lang ilibre mo, halata yun. At halata rin pag nagpapanggap. Ang gawin mo magpractice maging galante. Practice with your friends. Ilibre mo ng isang bote ng beer paminsan minsan. Attractive yung natural generosity), at di namimigay ng advice pag ang kailangan pakikiramay lang.

3) Fear of the unknown or takot sa "unknown" - 'Tol, foreign place. New people. New faces. New culture. Medyo nakakatakot nga kasi wala na ang mga bagay na nakasanayan mo. Pero 'tol, take this as an opportunity to challenge yourself. Ang mga Pinoy Lover Boy mahilig sa challenge. Kung walang challenge, walang improvement.

Siguro iniisip mo, "Pota, ano pinagsasasabi nitong Bravong 'to? Ano kinalaman ng mga Hallmark graduation card shit na 'to sa paghahanap ng dakilang pag-ibig?"

Heto:

Tol' kung lahat ng babaeng makikita mo, pag-iisipan mo ng "ano kaya sasabihin niya?," "baka isipin niya weird ako," "baka isipin niya ang kapal ng mukha ko," "baka ayaw niya sa Filipino," "baka nandyan bf niya."

Tol wag kang matakot sa unknown. I-enjoy mo. Hindi exciting kung alam mo na yung mangyayari sa dulo ng pelikula, diba? Isipin mo ganoon din ang paghahanap ng pag-ibig - isang pelikula na hindi mo malalaman ang ending hangga't hindi ka pumipila, hangga't hindi ka sumusugal na sana maganda ang palabas - "Ay baka pangit yung movie."

Try mo, tol.

Paano nga ba makakuha ng dalagang banyaga?

"Yung paraan kung paano makakuha ng dalagang pilipina, gawin mo sa English."

Maraming nagsasabi - "Ay di gagana yan. Yung style ni Bravo pang pilipinong jologs lang."

Again - colonial mentality. Sino ba nagsabing mas mahirap makakuha ng foreign chic kesa sa Filipina? Kapatid, kapag nakapagpaibig ka ng Maria Clara na Catholic, conservative, at bantay sarado ng isang family oriented filipino family, lahat na madali sayo ;)

Good luck sa London, tol! Mabuhay ang mga Pilipino!
Bravo Dakila

Tanong #4: Paano ligawan ang ayaw magpaligaw?

2010-01-31T21:23:00.000-08:00

Tanong mula kay Manny(di tunay na pangalan), lover boy ng ('tol, taga-saan ka nga ulit?):

Dear Tol,

Pre may gusto kasi akong ligawan pero ayaw nya pa daw magkabf kasi dahil sa past bf nya...panu ko ba liligawan yun?

Sincerely,
Manny

Manny,

'Tol, Una sa lahat salamat sa pagtatanong. Pangalawa, 'Tol, di ba hindi nga tayo nanliligaw?

Sa ilang mga artikulong isinulat ko, nagbigay ako ng ilang dahilan kung bakit hindi dapat manligaw. Kung yun talaga ang gusto mo, nasa sa iyo yan, pero, kung ako sayo, wag ka manligaw.

Kung ayaw magka-bf ng isang babae, maaaring isipin natin na isang negatibong bagay iyon. Pero ang totoo niyan, "depende."

Unang-una, ano ba ang gusto mo?

Companionship? Friendship? Sex?

Sabi ng lolo ko, lahat ng bagay na yan puwede mong makuha ng walang commitment. Bakit mo naman gugustuhin ang commitment kung di kinakailangan para makuha mo ang gusto mo?

Kung commitment naman ang gusto mo, hindi panliligaw ang tamang paraan para makuha ito. Kalangan maipahiwatig mo na isang malaking social, economic, or physical advantage para sa kanya ang maging boyfriend ka. At hindi mo maipapahiwatig yan, kung siya lang ang natutuwa sayo.

Ayon sa economics, kung mataas ang demand para sa isang bagay, mataas din ang halaga nito. Kung walang demand para sa iyo, wala ka ring halaga sa mata niya. Lalo na kung nanjan ka palagi't sunod ng sunod sa kanya. Ang iisipin niya tungkol sayo, "surplus." Ang "surplus" mababa ang halaga at nakukuha sa mababang presyo (sa mga tiangge at sale).

Kung gusto mong tumaas ang halaga mo, kailangan maraming may gusto sayo at pinili mo lang maging kasama siya. Hindi yung parang siya lang ang option mo, kaya siya ang napili mo.

Ang problema sa panliligaw, alam ng lahat na isa lang itong palabas, pagpapanggap, pagkukunwari, "Best foot forward," kumbaga. At kung ikaw ang tipo ng lalaki na kailangan magpanggap at magkunwari sa pamamagitan ng panliligaw, baka isipin niya na hindi okey ang natural self mo.

Tratuhin mo ang babae na yan kung paano mo tratuhin lahat ng babae. Maaaring isipin niya na babaero ka kung sweet ka sa lahat, pero, maiisip niya rin na hindi ka tigang. Maiisip niya na hindi lang siya ang babae sa buhay mo - pero, sa dinami-dami ng babae sa buhay mo, siya ang napili mo makasama dahil gusto mo ang pagkatao niya.

Ang payo ng lolo ko:

1. Wag mong ligawan.

2. Wag mong ligawan.

3. Ipaalam mo na madami kang "options," pero siya ang pinili mo. At hindi dahil kailangan mo ng sex or friendship or companionship. Gusto mo lang siya. Ganun ka simple. Walang dahilan.

4. Ipaalam mo rin na hindi mo rin siya kailangan maging gf kung ayaw niya. Wala kang hihingin, maging relasyon man or "appreciation," dahil pulubi lang ang nanghihingi. Wala kang kailangan sa kanya, gusto mo lang siya.

5. Ipaalam mo rin (ng hindi sinasabi) na kung physical relationship lang ang gusto niya, wala ka ring problema doon.

Ito ang Secret Pinoy Lover Boy text message or dialogue para sa ganitong sitwasyon (WARNING: Wag abusuhin ang mga bagong kapangyarihan):

"Alam mo (Pangalan ng dalaga), gusto kita. May angal ka?"

Olrayt? Salamat sa pagsulat!

Go, go, go,
Bravo Dakila

Tanong #3: "Paano po ba magpalakas ng loob?"

2009-12-29T02:19:00.000-08:00

Tanong mula kay Elyong (di tunay na pangalan), lover boy ng QC:

Dear Tol,

May classmate po kasi ako... katextmate ko siya.... magdadalawang buwan na akong nakikipagtextmate sakanya...kaso pagdating sa school di ko na sia magawang lapitan...nauunahan na po kasi ako ng hiya...

bounce back po!!! GOD BLESS... hide my email pls...

Sincerely,
Elyong

Elyong,

Una sa lahat, pasensya na sa late na pagsagot. August 22 pa ang sulat mo, ngayon ko lang sinagot. Kapag dakila kasi, madaming kadakilaang ginagawa. Pasensya na ‘tol. Anyway, ang sagot ko sa katanungan mo, katanungan din?

"Bakit ka nahihiya?"

Sabi ng lolo ko, ang mga taong nahihiya, may balak na nakakahiya. Ang magnanakaw, halimbawa, nihihiyang tumanggap ng regalo mula sa balak niyang nakawan. Ang manyak, nahihiya sa balak niyang manyakin. Ang problema mo, sa palagay ko, ay walang kinalaman sa kahihiyan, kundi sa kawalan ng karanasan.

Siguro hindi mo pa ginawa ito - ang paglapit sa babaeng gusto mo. Sanayin mo lang ang sarili mo. Parang bike lang yan - sa una maaaring madapa ka. Pero lahat naman talaga ng marunong mag-bisikleta nadapa sa simula. Ang pinakamadaming dapa, yun ang kadalasang nagiging X-games champion.

Tandaan, kung di susubukan, di rin masasaktan - pero, wala ring matututunan. Life is short, 'Tol.

Pinoy Lover Boy Challenge para sayo:
"Sa susunod na magkita kayo, yung tipong magkakasalubong kayo sa hallway o kung saan man kayo dumadaan, gawin mo ito:

1. Humarang ka sa daanan niya. Kapag umiwas siya, makipag-patintero.

2. Tumawa.

3. Makipag-apir.

4. Layo, at ipagpatuloy ang paglakad kung saan man papunta, na parang walang nangyari.

Simple, malabo, pero maniwala ka sa akin, mag-iiwan ito ng impression na confident ka at easy-going, at hindi na kayo magkakailangan. Effective ito, lalo na kung HS or College ka. Ang problema kasi sa mga ganitong sitwasyon yung "close sa phone, awkward sa personal." Dapat ma-transcend o malampasan agad yang sitwasyon na yan kundi, hanggang textmate na lang kayo.

Sana hindi ganoon ang nangyari kahit 3 months late ang replay ko. Hehe.

Sige, balitaan mo ako kung ano ang nangyari!

Good luck, 'Tol! Salamat sa pagsulat!

You Go Boy,
Bravo Dakila

Maling Tirada: "Can I buy you a drink?"

2009-09-24T23:07:00.001-07:00

“Can I buy you a drink?” Ito ang pinaka-usong pick-up line sa kasaysayan ng mundo. Ito na rin ang pinaka-supot. Ang katotohanan niyan, ang ideya ng paglalagay G.R.O. at “lady’s drink” sa mga “karaoke” bar ay nagmula dito. Naisip ng mga may-ari ng “karaoke” bar na maglagay nito dahil madaming kalalakihan ang excited mag-aksaya ng pera para sa inumin ng mga babae.

Bakit nga ba mali manlibre ng taong hindi mo pa kilala?

Sa mga “karaoke” bar, ibinibili ng lalaki ang G.R.O. ng “lady’s drink” para kausapin siya. Sa madaling salita, bumibili sila ng kausap. Ganoon ka ba ka-supot na kailangan mo magbayad para lamang may kumausap sayo? Ito ang mensaheng ipinapaabot ng, “Can I buy you a drink?” –

“Hi, miss. Puwede ba kitang ibili ng beer. Ibibili na rin kita ng pulutan. Tapos para mas maganda, bigyan na rin kita ng load para ma-text mo ko. Bakit load lang? Pati phone, bibigyan kita. Babayaran ko na rin yung tuition fee mo. Pati na yung sa mga kapatid mo. Wala eh, supot talaga akong tao, at kailangan ko ibili ang mga babae ng kung anu-anong shit para lang kausapin nila ako.”

1. Mali ang ganitong diskarte kasi ang ipinapahiwatig nito – Ikaw ang klase ng lalaki na kailangan bumili ng kausap. Bakit mo naman kailangan ibili ng “drink” ang babae? Wala ba siyang pera? Tol, kung gusto niya ng inumin, malamang bumili siya, diba? Kung wala naman siyang pera, anong ginagawa niya sa bar, nagtatrabaho?

Siyempre, may ilang kontratistang agad magsasabi na, “Eh paano kung mabait lang talaga ako at mahilig manlibre?” Di nga? Tol, wag na tayo maglokohan. Ililibre mo ba ng inumin ang isang babae kung wala kang gusto sa kanya? Alam mo naman na nagpapanggap ka lang. Alam niya rin yun. Ang pangalawang dahilan kung bakit maling diskarte ito –

2. Malalaman ng kausap mo ang hangarin mo. Hindi mo pa nga alam pangalan niya, gusto mo nang lasingin. Itatanong niya sa sarili niya – “Bakit ako gustong bilhan ng inumin ng taong ‘to?” At maiisip niya – “Ah, type niya ko. Pero bakit? Hindi pa naman kami nag-uusap type na niya ko? Siguro, type niya lang ako dahil maganda ko at sexy. Ang babaw naman ng lalaking ‘to. Paglaruan ko nga. Sasabihin ko na bucket na ang bilhin para yung friends ko may drink din.”

Huwag ninyo hayaang mangyari sa inyo ito:

Ikaw: Can I buy you a drink? Ito beer o!
Aida: Salamat. Bye

Later...

Aida: “Bravo, gusto mong beer?”
Bravo: “Sige. Sweldo mo ba ngayon? Ba’t ka nanlilibre?”
Aida: “Hindi. Yung lalaking naka-white sinabi ‘Can I buy you a drink,’ daw tapos bigla akong binigyan ng beer, eh hindi naman ako umiinom. Sayo na lang.”

3. Maaari niya ring isipin – “Tangina baka ito mangyari saakin: Nagising si Aida mula sa mahimbing na pagtulog. Pag mulat ng kaniyang mata, laking gulat niya ng ang una niyang nakita ay isang malaking salamin kung saan nakita niya ang sariling hubad nakatawan. ‘Ano nangyari?’ sinabi ni Aida. ‘Nasaan ako?’ tanong ni Aida. Ngunit wala siyang maalala kundi ang medyo lasang valium na beer na ibinigay sa kaniya ng lalaking naka-white. Parang ayokong inumin ‘to. Ibibigay ko na lang kay Bravo.”

Ito ang hindi niya iisipin - "Wow, binilhan ako ng beer kahit hindi pa kami magkakilala. Siguro walang siyang gusto saakin at mabait lang talaga siyang tao. Siguro kahit pangit ako at mataba bibilhan niya pa rin ako ng beer at hindi niya lang ginagawa ito dahil iniisip niya na pag madami akong nainom sasama ako sa bahay niya."

Tol, kung tunay kang lover boy, kakausapin ka ng mga kababaihan hindi dahil binili mo sila ng inumin. Kakausapin ka nila dahil masarap kang kausap, o lintik ka sa kapogian.

Ako na lang ang bilhan niyo ng beer.

- Bravo Dakila

Ano nga ba ang lunas sa wasak na puso?

2009-09-23T04:01:00.000-07:00

Paano nga ba ayusin ang “broken heart?”

First and foremost, pasensya na sa mga mambabasa at medyo natagalan ang update ng mga entries. Nakulong kasi ako habang nagreresearch tungkol sa mga lunas sa “broken heart.” Mahabang kwento.

Anyway, lahat naman nakaranas na ng pagkabigo sa pag-ibig.
Maraming kalalakihan kasi, supot ang diskarte. Okay lang yan… Joke lang. Hindi okey yun. Ilaladlad mo yung nararamdaman mo – I likes you – tapos pagtatawanan ka ng mga kaibigan mo? Pagtatawanan ka ng mahal mo? Ano nakakatawa doon?

Kadalasan ito ang sanhi ng matinding pananakit ng damdamin na maaaring magtulak sayo upang uminom, o makining ng mga emo na kanta, o magtago at umungol at humagulgol sa banyo habang kunyaring naliligo o tumatae para wah lamang mapahiya sa iyong tatay o kuya na kapag nakita ka ay malamang pagtawanan ka din.

Pero may solusyon diyan:

1. Let the time pass.

May kasabihan nga tayo na “time heals all wounds.” Oras ang katapat ng broken heart. Marami ka na sigurong narinig na advice mula sa mga kaibigan mo o sa high school or college counsellor mo or sa bakla sa parlor sa kanto – “Dude, take up a new hobbies” or “My advice is, make tambay with your friends,” or “Papa, focus on your study.”

Marami pang sari-saring advice diyan:

Maglakad-lakad sa mall at mag window-shopping, magpunta sa gym at makipag-flirt, etc.

Ang totoo, truth be told: Lahat ito mga katarantaduhan lang.

Ang totoo niyan, mabisa lahat yan hangga’t umaandar ang panahon, hangga’t umaandar ang oras. Para sa mga taong hindi naman nagmamadali ayusin ang broken heart, oras lang ang pinakamabisang paraan. Makakalimutan mo rin ang babae (o lalaki, if that’s your thing) na yun.

Pero ang mas tamang tanong: “Ano ba masama sa broken heart?”

2. Enjoy the Emo

Ang broken heart ay tanda na nagmahal ka. Bihira lang naman ang broken heart (unless pangit ka, or manyak na maya’t-maya na-iinlove at nababasted), kaya’t dapat sulitin mo na. Madaming makata na humuhusay sa pagtula kapag may matinding emosyon na saloobin. Subukan mo gumawa ng tula. Enjoy the pain – magsulat ng emo song. Sumali sa banda. Mag eye-liner. Gumawa ng blog entitled: “I love you, Jenna – Bakit mo ko iniwan?” Magmura. Sumigaw. Maghubad at tumakbo sa kalye habang isinisigaw ang mga katagang: “Bakit mo ko iniiiiiiiiiiiiiiwaaaaaaaaaaaann????”

Ang broken heart ay isang paalala na ikaw ay isang taong nakararamdam. Isang taong nabibigo. Isang taong babangon mula sa pagsubok at nagtatagumpay… at kung anu-ano pang telenovella shit. Be creative. Paglaruan ang broken heart.

Pero ‘tol, kung wala kang oras, at ayaw mo din mag-cherish at mag-revel sa emotions mo, meron pang isang paraan para matugis o solusyunan ang probleme ng broken heart… pero kailangan meron kang extra-money.

Kasi, mabisa rin para sa broken heart and mga GRO, dancer, at puta.

3. Hire a stripper or prostitute

Madalas naman, ang sanhi ng “broken heart” ay “unresolved libog.” Hindi nagpa-uto sayo ang babaeng pinagnanasahan mo at naudlot ang inaakala mong solusyon sa iyong pagka-tigang. Kaya ka malungkot. Solusyon, kung lagi kang bigo, magbayad ka na lang.

Pero isang babala, kaibigan: Kapag ikaw ay nahuli habang nagbabayad para sa panandaliang aliw, maaari kang makulong. Labag sa batas ito. Mag-ingat kasi walang Internet sa bilibid, kaya’t hindi ka makakapag-update ng iyong blog.

That’s all for today!
- Bravo Dakila

Ano ang cure sa broken heart?

2009-07-21T08:30:00.000-07:00

May mga ilang mambabasa na nanghihingi ng payo tungkol sa pagkabasag ng puso. Mga 'Tol, akong bahala diyan. Abangan ang susunod na kabanata - "Fixing a Broken Heart" o "Kung ano ang dapat gawin pag dinurog ang puso mo ng iniiibig mong dalaga." Watch for it!

-- Bravo Dakila

Pinoy Lover Boy Love Secret #5: Kulayan ang Lenggwahe (Part 3 of a 3 part special)

2009-07-21T07:57:00.000-07:00

Mga 'Tol! Long time no write! Ganun talaga ang buhay. Kailangan kumita. Hindi kailangan ang pagkita ng malaking pera para maging tunay na lover boy, umportyuneytly, kailangan ito para mabuhay. Anyway, nasa paksa pa rin tayo ng pagkukulay sa lenggwahe. May ilang mga debating umusbong tungkol sa club-speak or conyo-speak. Ang totoo niyan, mga halimbawa lang ito na nakatutuwang pag-tripan. Pero ngayon, seryoso na.

Ano nga ba ang magandang maidudulot ng pagkulay sa lenggwahe. Manood sa eksenang ito:

Bravo: Miss, miss!

Miss: Huh?

Bravo: Wala lang. Gusto ko lang sabihin na ang lupit ng style mo.

Miss: Thanks!

Bravo: Sandali, wag ka muna umalis. May itatanong lang ako.

Miss: Ano?

Bravo: Bukod sa fashion (eto na ang makulay na lenggwahe...) ano pa ang mga super special talents mo? (is-smile)

Miss: Huh?

Bravo: Halimbawa, ako may special talent ako sa bato-bato-pick. Wala pang nakakatalo sa akin. (isarado ang kamao at hamunin ang "miss.") Seryoso. Palag? 1 to 5 lang.

Miss: Sige. Whatever.

Bravo: Wow. Matapang (kung sosyal sabihin "feisty" imbis na "matapang"). Kailangan may bet. Pag nanalo ako, bili mo kong beer. Pag natalo ako... sige na nga kiss kita. Pero sa cheek lang ha, conservative kasi ako.

Diba, makulit? Kahit di 'to gumana, may ilang positibong bagay na mangyayari:

1. Malalaman niya na hindi ka boring na tao.

2. Maipapahiwatig mo ang pagkakaiba mo sa ibang lalaki (I got style!) na pare-pareho ang pick-up line.

3. Hindi niya makakalimutan ang words mo at maaaring gamitin ito pag kausap ang mga kaibigan niya.

4. Pag ginamit niya ang makulay mong lenggwahe, maaalala ka niya at maiisip niya - "Kulit nung taong yun. Fun."

5. Sa paggamit ng kwelang lenggwahe, hindi ka mukang manyak. Ipinapahiwatig nito na gusto mo lang tumawa at magsaya. Non-threatening.

6. Ipapahiwatig na kwela at fun-loving kang tao: kung trip niya ang kwela o fun-loving, alam niya kaagad na ikaw yun. Kung di niya trip ang kwela at fun-loving, mapapansin mo kaagad at hindi na masasayang ang oras mo.

Magagamit din ang lengwahe sa pag-filter ng mga nakikila. Kung ang trip mo matalino, i-ayon mo ang lenggwahe para sa mataas na diskurso at tignan kung makakasabay ang kausap - "The truth is, I'm very existential. I often find myself thinking about the meaning of life. In fact, I often wonder if sincerity and authenticity is possible in an environment such as this one."

Pag dumugo ang ilong, hindi siya ng tamang babae para sayo. Pero pag sumabay, may connection na nangyari. Kumbaga, pareho kayong wavelength. "Your speaking the same language." Kung gusto mo ng generic at boring, kung doon ka masaya, go lang.

Kahit ano mangyari mas okay ang makulay na lenggwahe sa hindi. Hanapin ang inner-voice. Express yourself.

-- Bravo Dakila

Pinoy Lover Boy Love Secret #5: Kulayan ang Lenggwahe (Part 2 of a 3 part special)

2009-07-03T00:19:00.000-07:00

‘Tol, ang huling paksa natin ay tungkol sa pagkukulay ng lenggwahe. Mahabang paksa ito eh, kaya’t ituloy natin. kahapon, natuto tayong magpahiwatig ng ating pagka-cool sa pamamagitan ng club-speak. Ngayon pag-aaralan natin kung paano magpahiwatig ng ating pagka-yaman sa pamamagitan ng rich-boy-speak. Napakasimple nito, ‘Tol. Kapag gusto mong mag-tunog mayaman –

Gamitin ang salitang “verb” na parang “adjective”:
1. “How’s it going, dude?” “Not much, chong. But everything’s chill.” (chill – palamigin)
2. “Dude, how’s the movie?” “Man, that shit is whack.” (whack – hampasin)
3. “That girl is smokin’!” (Smoking – nagyoyosi)

O kaya, gamitin ang salitang “noun” bilang “adjective.”
1. She’s a sweetheart. (Sweetheart – Kasintahan)
2. I don’t want to sound like an ass hole, but you’re turning me on (Ass hole – Butas ng Puwet)
3. Don’t be a bastard. (Bastard – Anak sa labas)

Babala: Gamitin lang sa Ingles kasi pag tinagalog, walang sense:
1. “Kamusta, chong?” “Wala. Lahat palamigin.”
2. ‘Tol, kamusta yung pelikula? “Chong, yung tae hampasin.”
3. “Yung babae, nagyoyosi.”

Heto pa:
1. Siya’y kasintahan.
2. Ayoko maging katunog ng butas ng puwet pero nabibighani ako sayo.
3. Wag kang anak sa labas.

Digs? Sa susunod na entry "Paano ipahiwatig na hindi ka boring na tao, kahit sa totoong buhay, boring kang tao."

-- Bravo Dakila

Pinoy Lover Boy Love Secret #5: Kulayan ang Lenggwahe (Part 1 of a 3 part special)

2009-07-03T00:09:00.001-07:00

'Tol, naranasan mo na bang makinig ng pormal lecture tungkol sa mga importanteng bagay tulad ng global warming, animal rights, o government policy? Ako rin hindi pa, pero balita ko boring daw. May teorya kasi ako kung bakit boring – matamlay ang lenggwahe.

‘Tol, isang babala mula kay Ka Dakila: Wag mong gayahin ang pananalita ng isang lecturer kapag nakikipagusap sa mga kababaihan. Bakit kamo? Ano ka ba? Hindi mo ba na-gets yung intro? Okey lang ‘tol, sige, ipaliliwanag ko.

Ang mga lecture kasi, boring. Seryoso. Malungkot.

Pag ginaya mo ang pananalita ng mga propesor, boring ka din. Problema ito ng matatalinong tao. Ang "exciting" ng mga ideya ng matatalinong tao, pero mas madami pang chicks yung matipunong, morenong, lalaki na taga-deliver ng yelo.

Kasi, yung taga-deliver ng yelo. Makulay ang lenggwahe:

"What's up Inday? Is it hot in here, or is just me? I am the iceman! Do you want some ice cream?"

Bastos, diba? pero hindi halata. medyo nakakaaliw pa nga eh. Hindi boring.

Ang personalidad ng isang tao madaling maipahiwatig sa pananalita. maraming personalidad ang hindi boring: party boy, rich-kid (kahit boring ang rich kid, madami itong pera na maaaring pambili ng mga hindi boring na bagay), bad boy, etc.

‘Tol, ito ang isang maikling guide kung paano ipahiwatig ang sarili sa pamamagitan ng pagsasalita:

Kung gustong ipahiwatig ang pagka-cool sa pagkakaroon ng clubber lifestyle (kung sa tingin mo cool yun), tawagin lang ang mga tao na parang mga hayop:

1. “Do you know, Bravo?” “Yeah, I know him. He’s a cool cat!”
2. “What’s up, dog?”
3. “Hey there, foxy lady!”
4. “Go, tiger! Go, tiger!”
5. “See you later, alligator.”

Kailangan lang english kasi pag tagalog, walang sense:

1. “Kilala mo ba si Bravo?” “Oo, kilala ko siya. Isa siyang malamig na pusa.”
2. “Anong nasa itaas, aso?”
3. “Kamusta, babaeng mukang hayop na mukhang aso.”
4. “May tigre! May tigre!”
5. “Magkita tayo mamaya, buwaya.”

Digs? Sa susunod na entry, "paano ipahiwatig ang pagka-cool sa pagiging conyo."

-- Bravo Dakila

Vocabularyo: "Oragon"

2009-06-10T02:59:00.000-07:00

Welcome to the Lover Boy Blog Vocabularyo class, 'tols! Our word for today is "Oragon." 'Tols, what is an "Oragon?" The object in the picture is not "Oragon." It's a dragon.

According to the Urban Dictionary of another website, "Oragon" is Bicol slang - or salitang balbal- for someone who is feisty, determined, principled, unafraid of consequences, and one who stands up for his principles (kahit whatever those principles are - good or bad).

That is why... Uhm...

Mga 'Tol, simple lang. Ang Pinoy Lover Boy ay isang oragon. Ang Pinoy Lover Boy ay palaban, determinado, may prinsipyo, hindi natatakot sa kung anumang kahihinatnan ng mga desisyon, at ipinaglalaban ang paninindigan.

Oragon is more than a word... It's an ideology.

P.S. The dragon picture is from this source.

The Pinoy Lover Boy Love Secret #4: Huwag madaming tanong

2009-06-10T01:49:00.000-07:00

'Tol, naranasan mo na bang mag-apply sa trabaho o sa unibersidad? Kung di pa, anong pinag-gagagawa mo sa buhay mo? Kung, naranasan mo na ito, malamang naranasan mo na rin ma-interview. Alalahanin ang karanasan - nag-enjoy ka ba nang tanungin ng sunod-sunod na tanong ng isang taong hindi mo kilala? Siyempre hindi, di ba? Malamang ninerbyos ka, nanginig ang boses, pinag-pawisan, at nagpadala ng telekinetik messages sa interviewer - "Don't judge me! Don't judge me!"

'Tol, ganyan din ang nararamdaman ng mga dalaga pag napakarami mong tanong. Para kang imbestigador o reporter. Huwag gayahin ito:

Ikaw: Saan ka nag-aaral?
Babae: Sa... (Naku, baka isa 'to sa mga sosy peeps ng Ateneo or LS) Diyan lang.
*Awkward silence

Ikaw: Ano trabaho mo?
Babae: Uhm... (Paano ko bang sasabihin na wala pa kong trabaho?) Freelance.
*Awkward silence

Pressure diba? Be creative naman. Hindi mo kailangan magtanong para maituloy ang daloy ng pag-uusap. 'Tol, ang sikreto sa suaveng pakikipag-usap na hindi mala-interview - "Imbis na magtanong, magbigay ng opinyon."

Pagnagbitaw ka ng opinyon nagpapahiwatig ito ng kumpiyansa. Bukod dito, ang mga taong nag-iisip, may opinyon. Kaya, plus pogi points ulit.

Halimbawa:

Ikaw: "Alam mo, mukha kang nurse."

Babae: "Bakit?"

Ikaw: "Ang kapal kasi ng jacket mo eh. Mukha kang mag-aabroad."

Babae: "Gago."

Ikaw: "Joke lang. Ang totoo niyan, nasabi kong mukhang nurse ka kasi napansin kong mapagsaalang-alang ka sa kapakanan ng iba. Isa kasi yan sa mga nagugustuhan kong ugali ng isang tao."

Diba? Nakapagbigay ka ng "compliment" o puri na walang kinalaman sa pisikal na anyo. Hindi na rin napilitan magbigay ng impormasyon ang kausap mo. Kapag sinabi naman niyang:

Babae: "Akala mo lang yun. Hindi ako ganun."

Ikaw: "Weh? Ayoko na. Break na tayo. Hindi ka pala caring and considerate eh. Pag nakuha mo na ang gusto mo sa akin, ipasasantabi mo na lang ako na parang nilamig na kanin."

Diba? Hindi tinanggap yung "compliment" o puri mo, pero natawa naman siya dahil nakakatawa yung sinabi mo. Hindi ka maituturing na boring.

Ito ang boring:

Ikaw: "Ano trabaho mo?"

Babae: "Wala."

Ikaw: "Nag-aaral ka pa?"

Babae: "Hindi. Kaka-graduate lang."

Ikaw: "Talaga? Anong course?"

Babae: Nursing.

Ikaw: Bakit di ka pa nurse?

Babae: Tangina, kasi hindi ako pumasa sa board exam! Bakit hindi ako pumasa? Kasi bobo ako! Yan ba gusto mong marinig? Ano? Masaya ka na? Sige, dun muna ko sa friends ko.

Tsk, tsk, tsk. Wag tularan, mga 'tol.

Hindi ka ba nagtataka kung bakit walang girlfriend si Boy Abunda? Kasi madami siyang tanong (tsaka dahil hindi yata girls ang trip niya)! So, mga 'tol - tandaan ang Pinoy Lover Boy Love Secret #4: Huwag madaming tanong.

- Bravo Dakila

P.S. Para huwag ako ma-demanda ng kung sinuman, nais ko lang sabihin na ang litrato'y mula rito (sundan ang link para sa source).

Pinoy Loverboy Idol #3: John Estrada

2009-06-09T01:00:00.000-07:00

'Tol, naranasan mo na bang makakita ng taong hindi mo pa kilala, nayayabangan ka na? 'Tol, baka ganiyan din ang nararamdaman mo para kay idol John Estrada. 'Tol, anino pa lang ni John Estrada, maangas na. kung anuman ang kinaiinisan ng mga kalalakihan kay John estrada, siya namang pang-akit niya sa mga kababaihan. Ibang lebel ang angas ni boss John - medyo arogante, medyo antipatiko, pero, hindi man aminin ng mga babae, patok sa kanila 'to.

Si boss John malupit - heto ang mga babaeng nahulog sa angas ni boss John: Janice De Belen, Sandra Chavarria, Vanessa Del Bianco, Priscilla Meirelles, at huwag natin kalimutan si Gretchen Barreto.

Bakit nga ba gusto nila si boss John?

Unang dahilan - Si boss John may matinding kumpiyansa. Sobra pa nga eh. Ang tindi nito, boy. Malakas ang arrive! Pangalawa, mukang makasalanan o pilyo si idol ('Tol, kung ayaw mong maniwalang mukang makasalanan si John Estrada, tignan mo ito). At pangatlo, hindi niya ikinahihiya kung anuman siya (Kasi kung mahiyain siya, hindi siya magsusuot ng ganito). Sa madaling salita, para siyang gago (Sorry, boss John. Ang hirap ipaliwanag eh) o sa ingles - bastard. Kaya niyang tumingin ng diretso sa babae, at makipag-titigan na parang nagtatanong ng - "Ano gusto mong mangyari?"

Pero bakit nga ba nahuhulog ang mga kababaihan sa mga gago?

Kasi ang gago, exciting - delikado. Laging mabilis ang pulso ng dalaga. Kinakabahan. Pinapawisan. Nilalagnat ng nerbyos. Exciting diba? Pero tandaan, hindi kailangan maging gago para maging exciting. Kailangan lang, tulad ni boss John, may kumpiyansa, pilyo, at hindi mahiyain - in other words, maangas.

Babala: Ang mga taong maangas, madalas magulpi.

'Tol, puwede ka rin gumawa ng mala-John Estrada moves. Ang kailangan lang, konting kaangasan. Isipin mo na lang ikaw ang pinaka-guwapong nilalang na ibiniyaya ng langit sa kamunduhan.

Example ng mga Mala-John Estrada bastard style:

1) Babae: "May boyfriend ako."

Ikaw: "Ako, may trumpo. Mamaya na tayo mag-usap tungkol sa mga laruan natin."

2) Makipagtitigan sa isang dalaga mula sa malayo. Matapos ang ilang malalagkit na sulyap, lumapit at sabihin - "Alam mo, puwede rin tayo mag-usap. Pero kung mas gusto mong magtitigan, babalik ako doon."

3) (Lumapit. Tumayo sa harapan ng dalaga. At huwag magpakilala. Ngumiti lang ng tulad ng litrato ni John Estrada sa itaas.)

Babae: "Bakit?"

Ikaw: "Wala."

Babae: "Eh bakit ka nakatayo diyan?"

Ikaw: "Kailangan ba may dahilan?" / "Gusto ko eh."

John Estrada, kahit naaangasan at nayayabangan kami sa iyo, hindi maipagkakaila na isa kang tunay na Pinoy Lover Boy Idol. Ang lupit ng diskarte mo, at wala kang takot. Saludo kami sayo!

P.S. Ang litrato galing dito.

Maling Tirada: Ang Gayuma

2009-06-08T03:04:00.000-07:00

Noong bata ako laging binibiro ng tatay ko ang nanay ko na kaya lang daw niya ito pinakasalan eh dahil ginayuma siya. Doon ako unang namangha sa kapangyarihan ng gayuma. Kaya naman nang nagkagusto ang kunduktor ng school bus namin sa yaya kong maganda ang ugali, ito kaagad ang ipinayo ko. Sinabi ko sa kunduktor ng school bus, “Tol, si yaya, kayang-kaya mong pasagutin yan. Basta pag lumabas kayo, lagyan mo ng gayuma yung iniinom niya.” Sabi naman ng kunduktor, “Totoy (iyon ang tawag niya sa lahat ng bata, ewan ko kung bakit), saan mo naman nalaman iyan?” Ipinaliwanag ko na pinakasalan ng tatay ko ang nanay ko dahil sa gayumang nabili ng nanay ko sa Quiapo.

Isang araw nag day-off ang yaya ko, tapos pag uwi niya namamaga yung mukha niya. Sinabi ng nanay kong nars allergic reaction daw yun na baka nakuha niya sa kung anu-anong shit na nilalagay niya sa mukha niya. Peroo alam ko ang totoong nangyari: Bumili si Roland ng gayuma matapos kong ikwento ang tungkol sa kasal ng mga magulang ko. Inilagay niya ang gayuma sa coke ni yaya nang mag-cr ito (kasi si yaya mahilig magsalamin sa CR at maglagay ng kung anu-anong shit sa mukha niya). Tapos nung ininom ni yaya ang gayuma, hindi siya na in-love. Namaga lang ang mukha niya.

‘Tol, ang pag-gamit ng gayuma ay maling tirada. Hindi mo alam kung anong mga shit ang inilalagay sa gayuma. May mga taong malupit ang allergy, yung tipong pag may nakain na hindi dapat, namamaga ang lalamunan at hindi nakakahinga. ‘Tol, ang tamang diskarte magkakaroon ang dalaga ng memorable experience pag nagkita kayo, at hindi hindi near-death experience.

Ang tamang diskarte, imbis na mga gayuma ang ipakain o ipainom sa dalaga, dalhin mo na lang siya sa isang lugar kung saan may nakakain na natural na pang “in the mood for sexy time.” Kung madami kang pera, dalhin ang ka-date sa lugar na may fresh talaba or chocolate cake; kung medyo nagtitipid, bilhan mo na lang ng shawarma at palagyan mo ng extra, extra, sebuyas. Olrayt, ‘Tol? Try this at home!

- Bravo Dakila

Ang mga litrato nagmula dito at dito.

Tanong # 2: "Paano ba ang tamang paraan ng panliligaw sa kaibigan?"

2009-06-08T02:03:00.000-07:00

Tanong mula kay Jonas (di tunay na pangalan), lover boy ng Quezon City:

'Tol,

Friends na kami dati pa ni Susan. Classmate ko siya sa isang college of nursing malapit sa SM Fairview. Malaki yung barkada namin. Lumalabas kami paminsan-minsan para monood ng sine, gumimik, mag-videoke. Ok kami. masaya kami pag magkasama. Tapos nagkagusto ako sa kaniya. Sinubukan kong manligaw. Pero hindi naman ako nag-paalam, basta nagparamdam na lang ako. Ihinahatid ko siya paminsan. Nililibre pag lumalabas kami ng barkada. Tapos, lagi ko siya tinetext. Nagsimula ang problema nung sinimulan kaming asarin ng barkada. Parang iniiwasan na niya ko. Ano gagawin ko?

Sincerely,
Jonas

Jonas,

Sabi ng lolo ko, di dapat manligaw. Sinabi ko rin yun dito (sundan ang link). Makulit ka pala eh. Pero hindi ito ang panahon para magsisihan. Ang kailangan solusyon.

'Tol, pag niligawan mo ang kaibigan mo, maiilang yan. Magbabago ang pakikitungo niyo sa isa't-isa. Bakit ba kailangan mo siyang ilibre? Wala ba siyang pera? Hindi mo naman siya nililibre dati, tapos nagkakasundo pa rin kayo. Siyempre maiilang yan, kasi may nagbago.

Dapat hindi mo kaagad ipinaalam ang nararamdaman mo. Mas maganda kasi kung may misteryo. Sa susunod, ganito ang gawin mo:

1. Wag mong ilibre.

2. Wag mong kulitin ng text (Wag ka mag-forward ng generic quotes tungkol sa love. Aksaya ng load yun, tsaka emo.).

3. Ang gawin mo, habang nag-vivideoke, titigan mo ang babae ng may malupit na pagananasa (pero huwag mo ipahalata sa iba), tapos ibulong mo, "Maganda ka pala..." Antayin mong mamula sa gulat ang kaibigan mo bago sabihin ang, "kaya lang parang hindi pantay ang kilay mo." Siyempre magagalit yun tapos hahampasin ka.

4. Ito na ang pagkakataon para makipaghabulan, harutan, at tawanan. Maaalala ng kaibigan mo ang mga ganitong sitwasyon kapag nag-iisa siya sa bahay, lalo na't tag-ulan, tapos magkaka-developan din kayo. Wag mo siyang kausapin tungkol sa nararamdaman niyo. Basta!

5. Bigla na lang, minsan, kapag naglalakad kayo sa mall, hawakan mo na lang ang kamay niya at huwag mong bitawan. Pag tinanong niya kung, "Bakit?" Sabihin mo, "Basta."

Yan ang diskarteng oragon. Walang bait-baitan. Walang ligawan. Walang gastos. Walang usap-usap. Pakiramdaman lang.

Isa sa mga punto ng panliligaw ay para magkaroon ng pagkakataon magkakilala ang manliligaw at nililigawan. Kung kilala mo na tapos madalas mo pang kasama, bakit ka manliligaw?

There's always a next time Jonas,
Bravo Dakila

P.S. Ang litrato'y nagmula dito. (Di tunay na anyo ni Jonas)

P.S.S. 'Tol, kung gusto mong tunay na pangalan at anyo mo ang isama sa blog ni Bravo Dakila, puwede rin yun. Basta ilagay ang totoong pangalan at mag-attach ng litrato sa e-mail na ipadadala.

Pinoy Lover Boy Love Secret #3: Huwag Sumagot ng Diretso

2009-06-07T22:28:00.000-07:00

Ang tinatalakay natin, pakikisama pa rin. Sa mga kararating lang, ito (sundan ang link) ang problemang hinahanapan natin ng paraan. Minsan, okey na ang pakikipagkilala, kaya lang hanggang doon lang. Ito ang isang tip para mapasaya ang pakikitungo sa dalaga. Inihahandog ng Pinoy Lover Boy ang Pinoy Lover Boy Love Secret #3: Huwag Sumagot ng Diretso.

Tol, Diba kapag dalawang lalaki ang magkausap nagkaasaran sila kapag hindi diretso ang sagot sa mga tanong? Halimbawa --

Jonas: 'Tol, saan ka na?

Hector: Hulaan mo :)

Jonas: Ulol. Pakyu.

Sa pakikiasama sa babae, okey 'to. Halimbawa:

Dina: Ilang taon, ka na Bravo?

Bravo: Hulaan mo.

Dina: 30?

Bravo: Weh. Kung 30 ako, ikaw 35.

Dina: Ang sama mo.

Bravo: Joke lang. Actually, mukha kang bata. Kaya lang problema yun.

Dina: Bakit?

Bravo: Pag nag-date tayo, sa "Shrek" lang tayo papapasukin.

Diba? Mas masaya naman 'to kesa dito sa halimbawang 'to --

Dina: Bravo, ilang taon ka na?

Bravo: 28. Ikaw?

Dina: 24.

Bravo: ...

Dina: ...

Bravo: ...

Dina: Sige, doon muna ko sa mga kaibigan ko.

'Tol, imbis na sumagot ng diretso, lagyan ng buhay ang pakikipaguusap sa pamamagitan ng hindi pag sagot ng diretso.

- Bravo Dakila

Babala -- "Huwag gawin sa trabaho."

Boss: "Natapos mo na ba yung mga papeles na pinagagawa ko?"

Ikaw: "Hulaan mo."

Ang litrato mula rito.

The Pinoy Lover Boy Love Secret # 2: Matutong Makisama sa Babae

2009-06-04T01:29:00.000-07:00

The Pinoy Lover Boy Love Secret # 2 a.k.a. Kung paano makabuo ng magandang pakikisama sa mga dalagang maganda na hindi kailangang magpanggap na bakla.

'Tol, naranasan mo na ba ito:

Tagumpay ka sa pakikipagkilala sa isang grupo ng mga dalaga. Sobrang suwabe nga eh, naalala mo pa ang mga pangalan nila na tiyak ikinatuwa ng mga kababaihan kasi "you cared ebough to remember their names," in fact sa sobrang tagumpay mo, naipakilala mo pa ang tropa mo at natanggap siya ng mga dalaga kahit weird ang tropa mo. Ngunit, matapos mong ipakilala ang tropa, habang nakatingin ang mga dalaga sayo ng ganito, naubusan ka ng sasabihin.

Matapos ang ilang boring na tanong tulad ng, "Madalas ba kayo dito?" at "Taga saan kayo?" na sinagot naman ng mga dalaga ng, "Hindi" at "Diyan lang," tumalikod sila at muling nag-usap tungkol sa mga bagay na pinag-uusapan ng mga dalaga. Napansin mong dahan-dahan na silang naglalakad papalayo sa iyo at sa tropa mong weird... Sinubukan mong hingin ang phone number ng isa sa kanila pero nabigo ka.

'Tol, maraming kalalakihan ang nakararanas ng ganito. Maraming marunong makipagkilala sa mga dalaga, pero hindi naman marunong makisama sa babae. Magkaiba kasi ang pakikisama sa lalaki sa pakikisama sa babae.

Pinoy Lover Boy Love Secret #2: Hindi sapat ang husay sa pakikipagkilala. Kailangan marunong din makisama.

Abangan ang iba pang tips tungkol sa pakikitungo at pakikisama sa kababaihan sa mga susunod na kabanata!

- Bravo Dakila

Ang litrato pala ay nagmula rito.

Tanong #1: "Puwede ba maging lover boy kahit hindi pogi?"

2009-06-04T00:42:00.001-07:00

Tanong mula kay Dodong (di tunay na pangalan), lover boy ng Pasig City:

'Tol,

Natutuwa ako sa advice mo regarding courtship and stuff like that. Sa tingin ko cool to kasi wala namang venue ang mga lalaki mag-usap tungkol sa relationships, kasi diba chicks lang gumagawa nun. Pero okey lang yun. Naisip ko lang, hindi ba relative yung advice na binibigay mo sa itsura ng lalaki? Kasi pag pogi, kahit manligaw o hindi magkakaroon ng syota. Pag pangit, walang pag-asa. Puwede bang maging lover boy kahit hindi pogi?

Sincerely,
Dodong

Dodong,

Sabi ng lolo ko, importante raw ang pisikal na anyo, pero hindi importante ang kapogian. Gets? Ganito - oo, importante ang itsura, pero hindi kinakailangan ang pagka-pogi. Ang ibig kong sabihin, importante ang ilang bagay tulad ng kalinisan, pananamit, at kalusugan. 'Tol, kahit pogi ka, kung mukha kang madumi, may sakit, tapos kupas pa kulay ng t-shirt mo, baka madaig ka ng pangit na malinis, may kalamnan, at mukhang bagong ligo. Ang pisikal na anyo, hindi lang sa mukha nasusukat. Madalas, madali lang ayusin ang pisikal na anyo. Ilang tips sa pag-aayos ng pisikal na anyo:

1. Magputol ka ng kuko.
2. Bawasan ang buhok sa ilong.
3. Magpagupit ng maayos.
4. Maglagay ng deodorant.
5. Alamin kung ano ang baduy at kung ano ang uso.

Tandaan! Hindi kailangan maging pogi para maging pogi.

You go Dodong,
Bravo Dakila

P.S. Ang litrato nagmula dito (di tunay na anyo ni Dodong)

Pinoy Lover Boy Idol #2: Vic Sotto

2009-06-03T23:16:00.000-07:00

'Tol, itatanong mo pa ba kung bakit idol natin si Bosing? Si Bosing Vic Sotto ang hari ng landian o kung tawagn sa ingles - "flirting." Napakaimportante ng husay sa "flirting" kung gusto ng isang lalaking maging Pinoy Lover Boy. Ang flirting ni Bosing may halong biro at lambing at madami na ring bumigay dito. Ilan lang sa mga kababaihang na-link kay Bosing sina Alice Dixon, Christine Jacob, Pia Guanio, etc.

Si Bosing kasi may mga malupit na Pinoy Lover Boy traits tulad ng: sense of humor at dominance. Bakit nga ba importante na magaling magpatawa? May quote akong narinig dati na nagsasabing: "If you can mak a woman laugh, you can make her do anything."

Nakaka-akit kasi ang saya. 'Tol, pag masaya ang isang lugar, pinupuntahan diba? Ganun din ang tao. Kapag ang tao marunong gumawa ng saya at ligaya, nilalapitan talaga ng mga tao. Pero hindi lahat ng nakakatawa, malupit na lover boy. Meron pang isang katangian si Bosing na wala si Michael V o si Jose - Dominance.

Ano ba ang dominance? Ang dominance, sa tagalog, pangingibabaw o paghahari. Si Bosing may abilidad na ipahiwatig ang kaniyang pagka-pinuno sa pamamagitan ng kumpiyansa. Lagi siyang may alalay o sidekick. 'Tol, palayaw pa lang, pinuno na - Bosing. Sabi nga ng lolo ko, "Maging lider ka ng mga lalaki, at pati mga babae susunod sa iyo."

Isa pa, si Bosing eksperto sa "flirting." Kapag inasar mo ang isang babae, ano ang iisipin nito? "Ay hindi niya ko gusto, kasi kung gusto niya ko, hindi niya ko bubuwisiten." 'Tol, ang pagiging makulit, non-threatening. Hindi nakakatakot. Hindi mala-stalker.

'Tol, puwede ka rin magbitaw ng mala-bosing na diskarte. Ang kailangan lang, konting kulit at yabang na wala sa lugar. Tandaan- nakakatawa at dominante (presko).

Example ng mga Mala-Vic Sotto Bosing Lines:

"Bakit ganyan ka tumingin? Inaakit mo ba ako? Huwag ganon. Magkaibigan tayo eh."

(Kapag nagkita kayo ng isang kaibigan o kakilala na di inaasahan) "Sinusundan mo ba ako? Next time, i-text mo na lang ako para hindi ka nahihirapan."

"Ang ganda mo, mukha kang manyika. Napanood mo na ba yung 'Bride of Chukie'?"

Saludo kami sayo boss Vic Sotto! Isa kang tunay na Pinoy Lover Boy Idol!

P.S. Ang litrato mula rito.

Pinoy Lover Boy Idol #1: Robin Padilla

2009-06-03T22:19:00.000-07:00

'Tol, kahit Bad Boy ang palayaw ng kilalang action superstar na si Robin Padilla, kilala rin siya sa pagiging maginoo sa kaniyang nakakasalamuhang mga kababaihan. Marami nang umibig at nagnasa sa malupit na karisma ng idol na 'to. Ilan lamang sa nabighani kay idol sina Sharon Cuneta, Vina Morales, Iza Calzado, at Ruffa Mae Quinto. 'Tol, madami pa, di lang ako mahilig sa showbiz kaya't konti lang ang nabanggit ko.

Si Robin kasi, may mga katangiang kaakit-akit para sa lahat ng kababaihan. Oo, pogi nga si idol ('tol hindi ako bakla ah), pero hindi yan ang tinatalakay natin.

Si Robin Padilla may paninindigan. Anuman ang aminin o sabihin maraming mabilis na natatanggap si idol, dahil bukod sa pagiging pranka, hindi rin siya tumatalikod sa mga binibitawang mga kataga. Ganun din siya sa kababaihan - walang ipinapangako na puwedeng mapako. Mula sa isang interview tungkol sa Joaquin Bordado:

"Kumusta si Iza bilang leading lady?"

“Una, napakaganda niya…” sabay sulyap kay Iza na nasa kabilang table, tapos ay parang nakalimutan na niya ang kanyang sasabihin.

Para makita ang tunay na diskarte ni Robin Padilla, basahin ang interview na ito.

Famous Robin Padilla Lines:

“Nakakainis man tanggapin, pero champion ka talaga! Taas ang kamay ko sayo! Nagkakagusto na nga ako sayo eh! Mahal na nga kita palagay ko eh! Maging sino ka man!” - Maging Sino Ka Man (1991)

'Tol, puwede ka rin magbitaw ng mala-Robin Padillang mga kataga. Ang kailangan lang, konting imahenasyon at kapal ng mukha. Kasi naman, ang tibay ng dibdib ng idol natin. Kung magsalita diretso! Tandaan- pranka at may paninindigan.

Example ng mga Mala-Robin Padilla Bad Boy Lines:

"Hindi ko kayang ipangako ang habang buhay. Hindi ko alam kung ano mararamdaman ko bukas o sa isang linggo. Ang alam ko lang, ang nararamdaman ko ngayon. Gusto kita. Oo, ikaw. Maging sino ka man."

"Mawalang galang na po. Gusto ko lang magtanong. Magagalit ka ba kapag sinabi kong naaakit ako sayo?"

"Delia, huwag ka masyadong lumapit saakin. Masyado kang mabango. Baka mangibabaw ang pagkalalaki ko at may magawa akong ikagalit mo."

Saludo kami sayo boss Robin Padilla! Ikaw ang numero unong idol ng Pinoy Lover Boy!

P.S. Ang litrato nagmula dito.

Maling Tirada: Ang Panliligaw

2009-06-03T21:35:00.000-07:00

'Tol, kasama na sa kultura ng pagiging Pinoy Lover Boy ang panliligaw. Pero, may katanungang namumuo sa kamalayan ng modernong mangingibig. Ito yun: "Gumagana ba talaga ang manligaw sa isang dalaga?"

Bata pa lamang ako, nasubok ko na ang unang depekto ng panliligaw nang tanungin ko ang crush ko nung hayskul: "Puwede ba kitang ligawan?" Kasi, ang sinabi niya: "Ano bang tanong yan? Pag sinabi kong 'hindi', eh di para na kitang binasted. Pag sinabi ko namang 'sige', para na rin kitang sinagot."

'Tol, nanliligaw ka pa ba?

Ganito ang problema ng panliligaw: 'Tol, kapag nagsimula ka nang magregalo ng kung anu-ano, para mong ipinahihiwatig na mas importante siya para sayo, kaysa ikaw para sa kaniya. Hindi na patas ang ugnayan. Parang may binibili o pinapatunayan ang lalaki. Ang tanong: "Bakit kailangang may patunayan ka?"

Ang ideya na kailangan kang may patunayan sa nililigawan ay hindi tama. Bakit may kailangan kang patunayan? Ano na ba ang napatunayan ng dalagang nililigawan mo? Ano na ba ang nagawa niya bukod sa maipanganak ng walang depekto sa katawan?

Pero madalas sinusubok ng babae ang lalaaki para matiyak na hindi siya katulad ng mga gagong nagbait-baitan, nanloko, at nanligaw sa kaniya dati.

Pero 'Tol, ang pinaka matibay na patunay ng hindi mo pagkakatulad sa mga gagong dating nanligaw sa kaniya, ay ang hindi mo panliligaw sa kaniya. Kasi, pag ginawa mo ang ginawa ng mga gago, iisipin niya baka isipin niya, gago ka rin.

Isa pa, maiilang ang dalaga pag niligawan. Ang babae, kapag hinabol, tumatakbo. Wag mo habulin. Umupo ka lang, kausapin mo, at kapag nagpahiwatig na siya ng pagtingin sayo, pirmahan ang kontrata ng pag-iibigan sa pamamagitan ng isang makabuluhang halik.

- Bravo Dakila

P.S. Galing dito ang litrato.

The Pinoy Lover Boy Love Secret # 1: Magpakilala ng Maayos

2009-06-03T00:55:00.000-07:00

The Pinoy Lover Boy Love Secret # 1 a.k.a. Kung paano makipagkilala sa dalagang hindi mo kakilala na hindi nagmumukhang gagong nalulunod.

May grupo ng mga babaeng nagsasayaw sa dancefloor. May grupo ng mga lalaking pumalibot sa kanila. Ang mga lalaki, nag kaway-kaway malapit sa ulo ng mga babae habang sinasabi ang, "Whooo, whooo" at "uh-huh, uh-huh, yeah, yeah," na parang mga gago.

Medyo nasindak yung mga babae at sinabi ang secret code, "C.R. muna tayo" ("Alis tayo dito, ang daming kupal"). Ginagawa mo ba 'to 'tol?

Mga 'Tol, maaaring gumagana ito paminsan-minsan, pero hindi ito ang tamang paraan ng pakikipagkilala. Ang Pinoy Lover Boy, direkta at kumpiyansa.

Ang pangkaraniwang boy, nagpapapansin (nagpapa-cute). Pero ang Pinoy Lover Boy, nagpapakilala.

Basta pag lumapit ka at nagpakilala, wag yung parang may hinihingi o parang namamalimos ng pag-aruga. Kailangan magpakilala ka na parang mahiwagang bulalakaw ng karinyo, at malawak na batis ng kalambingan.

'Tol, gamitin ang malupit na ngiti. Ang mababang boses. Ang mala-boss na lakad na pagiri-giri, at sabihin sa dalaga sa club (kahit sa harap ng kaniyang mga kakilala), "Hey, ang cute mo, ako si Bravo. Ano ang pangalan mo (pag medyo mukhang sosyal, gamitin ang salitang "name" imbis na "pangalan")?"

Hindi mo kailangan sumayaw sa likod ng hindi mo kakilala at magsisigaw at magpagaspas na parang nalulunod.

Pinoy Lover Boy Love Secret #1: Magpakilala ng Maayos

- Bravo Dakila

Ang larawan ay galing dito.

Maling Tirada: Ang Torpe

2009-06-03T00:50:00.000-07:00

Si Pedro, walang problema sa long distance relationship. Ang crush niya na si Shiela, tinitignan niya at iniibig from long distance. Kaya niyang subaybayan ang pagdapo ng ambon sa pisngi ni Shiela. Ngunit, sa pagkakataong banggitin ng dalaga ang pangalan niya at subukang makipag-usap - ngiti lamang ang maisusukli niya.

Maraming Pinoy Lover Boys ang tulad ni Pedro - dinadapuan ng ganitong kapansanan sa harap ng mga matitinding pagsubok tulad ng pagiging malapit sa sintang irog. Kung ganito ka rin, huwag ka mag-alala, 'tol. Nandito si Ka Bravo Dakila para tulungan ka.

Ayon kay Mystery, isang dakilang mangingibig, nagsimula daw ang katorpehan bilang isang "survival mechanism." Kasi, 'tol, dati mga tribal-tribal pa yung mga tao diba? Tapos yung mga tribo, eksklusibo at konti lang ang miyembro kaya todo bonding sila. Kapag nagkamali kang makipagkilala sa isang dalaga mula sa ibang tribo... 'tol, tribal wars yan. Kapag naman dumiskarte ka sa sariling tribo, delikado rin kasi baka naipagkasundo na pala ang dalagang iyon sa anak ng Datu... 'tol, pugot ang ulo mo.

'Tol, may magandang balita. Hindi na ganiyan ngayon. Kapag nakipag-usap ka sa isang babae, madalas, hindi ika-pupugut ng ulo mo. Tandaan: maraming pag-ibig na tunay na wagas ang nagsimula sa mga katagang, "Excuse me, miss." Try this at home!

- Bravo Dakila

P.S. Yung litrato galing dito.